पंतप्रधान मोदींसोबत फोटोत असलेली पायल धारे नक्की कोण आहे? जाणून घ्या तिच्याबद्दल...

Payal Gaming meets Pm Narendra Modi: पंतप्रधान मोदी युवावर्गाला आकर्षित करण्यासाठी दरवेळी विविध प्रयोग करत असतात.

Who is Payal Dhari meets Pm Modi Gamers: पंतप्रधान मोदींनी नुकतीच गेमिंग इंडस्ट्रीमधील टॉपच्या खेळाडूंची भेट घेतली. गेमिंग क्षेत्राच्या भविष्याबाबत चर्चा करण्यासाठी त्यांनी गेमर्सशी चर्चा केली.

या भेटीत मोदी गेमिंग इंडस्ट्रीच्या वाढीबद्दल आणि देशात करिअर म्हणून गेमिंगची संकल्पना याबद्दल बोलले.

मोदींसोबतच्या बैठकीत अनिमेश अग्रवाल, मिथिलेश पाटणकर, तीर्थ मेहता, नमन माथूर, अंशु बिश्त, गणेश गंगाधर यांच्यासह एकमेव मुलगी पायल धारे सहभागी झाली होती. जाणून घेऊया तिच्याबद्दल...

पायल धारे ही 'पायल गेमिंग' या टोपणनावानेही ओळखली जाते.

ती भारतातील सर्वात लोकप्रिय महिला गेम क्रिएटर्सपैकी एक आहे.

पायल धारे ही मूळची मध्य प्रदेशातील छिंदवाडा जिल्ह्यातील एक छोटेसे खेडे असलेल्या उमरानाला गावाची आहे.

पंतप्रधान नरेंद्र मोदी यांच्या भेटीबद्दल बोलताना तिचे वडील शिवशंकर धारे म्हणाले की, 'मला माझ्या लेकीचा खूप अभिमान आहे.

पायलच्या वडिलांनी सांगितले की, 'मोदींनी जेव्हा तिला भेटायला बोलावले तेव्हा मला खूप आनंद झाला. देशाच्या पंतप्रधानांसोबत बसून गेमिंग खेळणे हे अविश्वसनीय आहे. आता मला भेटणारा प्रत्येकजण म्हणतो की पायलचा गावाला आणि जिल्ह्याला अभिमान वाटतो.

या वर्षी मार्चमध्ये पायलने 'गेमिंग क्रिएटर ऑफ द इयर' पुरस्कार जिंकला. अवॉर्ड नाईटचे फोटो शेअर करत तिने लिहिले होते की, 'तुमच्या सततच्या प्रेम आणि पाठिंब्याबद्दल सर्वांचे आभार.'

पायलचा जन्म १८ सप्टेंबर २००० चा आहे. त्यामुळे केवळ २३ वर्षांची आहे. पण इतक्या वयातही तिने अनेक पुरस्कार मिळवले आहेत.

तिने गेल्या वर्षी 'डायनॅमिक गेमिंग क्रिएटर ऑफ द इयर'चा पुरस्कारही जिंकला होता. तिला फिमेल स्ट्रीमर ऑफ द इयरचा किताबही मिळाला आहे.

गेमिंग व्यतिरिक्त पायल उद्योजिका आहे असे म्हटले तर वावगे ठरणार नाही. ती तिची स्वत:ची एक मर्चेंडाईज लाइनदेखील चालवते.

तिच्या मर्चेंडाईज लाइनचे नाव ThriftExploy आहे. मोदींशी भेटीनंतर सध्या तिच्या चाहत्यावर्गात तुफान वाढ झाली आहे.