Tata Harrier आणि Safari वर 1.25 लाखांपर्यंत डिस्काउंट तर अनेक कारवर मोठ्या ऑफर्स

कंपनी आपल्या अनेक कारवर मोठा डिस्काउंट देत आहे. हॅरियर आणि सफारी एसयूव्हीवर सर्वाधिक डिस्काउंट मिळेल.

भारतातील सुरक्षित कारबद्दल बोलायचे झाल्यास टाटा मोटर्सचे नाव नक्कीच समोर येते. टाटाच्या अनेक कारला 5 स्टार सेफ्टी रेटिंग मिळालेली आहे. या कार तुम्हाला आणि तुमच्या कुटुंबाला सुरक्षितपणे प्रवास करण्यास मदत करतात. जर तुम्ही टाटा कार घेण्याचा विचार करत असाल तर चांगली ऑफर आहे. कंपनी आपल्या अनेक कारवर मोठा डिस्काउंट देत आहे. हॅरियर आणि सफारी एसयूव्हीवर सर्वाधिक डिस्काउंट मिळेल.

तुम्ही या दोन्ही कार 1.25 लाख रुपयांपर्यंतच्या डिस्काउंटसह खरेदी करू शकता. टाटा मोटर्सच्या डिस्काउंटच्या ऑफर्स फक्त या महिन्यापुरत्या म्हणजेच मे 2024 पर्यंत आहेत. या कालावधीत, टाटा हॅरियर आणि सफारी व्यतिरिक्त, तुम्ही डिस्काउंटमध्ये टाटाच्या इतर कार देखील खरेदी करू शकता. टाटा पंच, टियागो, टिगोर आणि अल्ट्रोज​​वर हजारो रुपयांचे डिस्काउंट आहेत.

Tata Harrier and Safari

आता टाटा हॅरियर आणि सफारीचे फेसलिफ्ट मॉडेल्स बाजारात येत आहेत, परंतु कंपनीकडे पूर्वीच्या मॉडेल्सचा स्टॉकही शिल्लक आहे. हॅरियर आणि सफारीच्या प्री-फेसलिफ्टच्या पहिल्या मॉडेल्सवर 1.25 लाख रुपयांपर्यंत डिस्काउंट मिळेल. 2024 मॉडेलच्या हॅरियर आणि सफारीवर डिस्काउंट मिळत नाही.

Tata Nexon

हॅरियर आणि सफारी प्रमाणे नेक्सॉनचा प्री-फेसलिफ्ट स्टॉक देखील विकला गेला नाही. तुम्ही प्री-फेसलिफ्ट नेक्सॉन 90,000 रुपयांपर्यंतच्या डिस्काउंटसह खरेदी करू शकता. 2024 मॉडेलच्या नेक्सॉनवर डिस्काउंट दिला जात नाही.

Tata Punch

टाटा पंच ही कंपनीची सर्वात छोटी एसयूव्ही असली तरी विक्रीच्या बाबतीत ती आघाडीवर आहे. तुम्हालाही पंचमध्ये रस असेल तर तुम्हाला 10,000 रुपयांचा डिस्काउंट मिळेल. हा डिस्काउंट 2023 मॉडेल पंचावर उपलब्ध असणार आहे, तर 2024 मॉडेल पंचावर कोणतीही डिस्काउंट नाही.

Tata Tiago

टाटा टियागोचे 2023 मॉडेल खरेदी करून तुम्ही 80,000 रुपयांपर्यंत बचत करू शकता. त्याच्या 2023 सीएनजी सिंगल सिलिंडर मॉडेलवर 75,000 रुपयांपर्यंत डिस्काउंट उपलब्ध आहे. 2024 मॉडेल टियागोवर 40,000 रुपयांपर्यंतचा फायदा मिळेल. सीएनजी मॉडेल्सवरही डिस्काउंट आहे.

Tata Tigor

टाटा टिगोर 2023 मॉडेलवर तुम्ही 75,000 रुपयांपर्यंत बचत करू शकता. त्याचबरोबर, मागील वर्षी बनवलेल्या ट्विन सिलिंडर सीएनजी मॉडेलवर 65,000 रुपयांपर्यंत डिस्काउंट मिळणार आहे. 2024 मॉडेल टियागो खरेदी केल्यावर तुम्हाला 40,000 रुपयांपर्यंतचा फायदा मिळू शकतो.

Tata Altroz

तुम्ही चांगल्या बचतीसह टाटा अल्ट्रोज ​​हॅचबॅक खरेदी करू शकता. 2023 मॉडेल अल्ट्रोज ​​खरेदीवर तुम्हाला 55,000 रुपयांपर्यंत डिस्काउंट मिळेल. तर 2024 मॉडेल अल्ट्रोज​​वर 35,000 रुपयांपर्यंत डिस्काउंट दिला जात आहे. पेट्रोल आणि डिझेल व्हेरियंटवर अधिक डिस्काउंट मिळणार आहे.