जिनिअसच्या गबाळ्या कपडय़ांचं काय?
By admin | Published: April 16, 2015 05:04 PM2015-04-16T17:04:21+5:302015-04-16T17:04:21+5:30
सध्या एक व्हिडीओ कार्पोरेट जगात व्हायरल आहे! त्याचं नाव आहे, ‘व्हाट यू रिअली सेइंग विथ युवर क्लोथ्स’! कार्पोरेट जगात म्हणजे आपल्याच नाहीतर सगळीकडच्याच कार्पोरेट ऑफिसेसमध्ये अशी चर्चा आहे की, हा व्हिडीओ म्हणजे आपल्या ऑफिसात असलेल्या अनेक चेह:यातूनच साकार झालेला आहे;
जिनिअसच्या गबाळ्या कपडय़ांचं काय?
Next
सध्या एक व्हिडीओ कार्पोरेट जगात व्हायरल आहे!
त्याचं नाव आहे, ‘व्हाट यू रिअली सेइंग विथ युवर क्लोथ्स’!
कार्पोरेट जगात म्हणजे आपल्याच नाहीतर सगळीकडच्याच कार्पोरेट ऑफिसेसमध्ये अशी चर्चा आहे की, हा व्हिडीओ म्हणजे आपल्या ऑफिसात असलेल्या अनेक चेह:यातूनच साकार झालेला आहे; सगळे नमुने आपल्या अवतीभोवती दिसतातच. ( त्यात एक आपणही आलोच)
तर हा व्हिडीओ काय आहे?
एक साधा व्हिडीओ आहे; ज्यात काही तरुण कर्मचारी आहेत. वेगवेगळ्या कपडय़ातले, वेगवेगळ्या रंगरुपाचे, वेगवेगळ्या पदांवरचे! ते फक्त सांगताहेत की, मी हे कपडे का घालतो! ते सांगतातही; पण ते जे सांगतात तेच खरं नसतं, त्यांच्या कपडय़ांवरून त्यांच्याविषयी लोक जे समजतात, ते वेगळं असतं!
तर एक तरुणी, अत्यंत कळकट अवतारात, झोपेतून उठून आल्यासारखी. ती सांगते, मी जिनिअस आहे. खूप हुशार, खूप काम करते. मी कसेही कपडे घालीन, आय डोण्ट केअर.
एक बॉस एकदम सुटाबूटातला, पण पायात एकदम गुलाबी मोजे. तो सांगतो, ‘ मी खूप काम करतो, पण मी रसिक आहे, मला पाटर्य़ा करायला आवडतं.!’
एक बाई जाडजूड. घट्ट-तंग कपडे, खोल गळे, वाढतं वय. ती म्हणते, मला वाटतं वर्क फ्रॉम होमच असावं कायम!
- असे अनेक नमुने. सगळे आपल्याविषयी काहीतरी सांगत असतात पण ते खरं नसतं!
खरं असतं ते हेच की, आपापली वेगळी कारणं आपल्या कपडय़ाआड झाकत ते वेळ मारून नेत असतात. आपापल्या उणीवा झाकत असतात, लोकांचं अटेन्शन मागत असतात. स्वत:ला ऑफिसमध्ये चर्चेचा विषय बनवत असतात.
हा व्हिडीओ पाहताना वाटतं की, आपण तरी काय वेगळे?
आपल्या गबाळ्या राहणीमानाचं, आपल्या इस्त्री नसलेल्या कपडय़ांचं, आपल्या कपडय़ांवरच्या डागाचं, आपल्या घट्ट किंवा सैल कपडय़ांचं, आपल्या कपडय़ांच्या खोल गळ्याचं, आपल्या अतीच विचित्र रंगसंगतीचं, एकेक करून समर्थन करतो.
मात्र आपली वृत्ती-स्वभाव-झळकतोच त्यातून!
हा व्हिडीओ म्हणून तर कार्पोरेटमध्ये गाजतोय सध्या!
- चिन्मय लेले
