Video: 'आम्ही आमची पूर्ण ताकद लाऊ....', टार्गेट पूर्ण करण्यासाठी बॉसने दिली अनोखी शपथ

Trending Video: '31 मार्चपर्यंत आमचे टार्गेट पूर्ण करू...' पाहा या आगळ्या-वेगळ्या शपथेचा व्हिडिओ

Office Target Video: प्रत्येक ऑफिसचे वेगळे वर्क कल्चर असते. कुणावर टार्गेट पूर्ण करण्याचा दबाव असतो, तर कुणावर नसतो. आपल्या कर्मचाऱ्यांकडून टार्गेत पूर्ण करुन घेणे प्रत्येक बॉसचे काम असते. यासाठी काही बॉस प्रेरणा देतात, तर काही रागावतात. सध्या सोशल मीडियावर अशाच प्रकारचा एक व्हिडिओ व्हायरल होतोय. या व्हिडिओत बॉस आपल्या कर्मचाऱ्यांना टार्गेट पूर्ण करण्याची शपथ देताना दिसतोय.

व्हायरल व्हिडिओमध्ये बॉस आपल्या कर्मचाऱ्यांना टार्गेट पूर्ण करण्यासाठी आगळ्या-वेगळ्या पद्धतीने प्रेरित करताना दिसतोय. एवढंच नाही तर, तो आपल्या कर्मचाऱ्यांना टार्गेट पूर्ण करण्याची शपथ देतोय. व्हिडिओमध्ये बॉस म्हणतो, 'आम्ही शपथ घेतो की, आम्ही मार्च महिन्याच्या शेवटपर्यंत 110% टार्गेट साध्य करू. यासाठी आम्ही आमची पूर्ण ताकद लाऊ.

हा व्हायरल व्हिडिओ सोशल मीडियावर Instagram marketingmotivationn नावाच्या अकाऊंटवरून शेअर करण्यात आला आहे. आतापर्यंत 4 लाखांहून अधिक लोकांनी हा व्हिडिओ पाहिला आहे. त्याचबरोबर अनेक युजर्सनी यावर मजेशीर प्रतिक्रिया दिल्या आहेत. एका युजरने लिहिले "हा व्यवस्थापक नेटवर्क मार्केटिंगचा दिसतोय." आणखी एका युजरने लिहिले, 'मी लिहून देतो, कोणीही टार्गेट पूर्ण करू शकणार नाही.'