ब्रेक-अपनंतर बॉयफ्रेंडने गर्लफ्रेंडच्या बाथरूममधून लंपास केली 'ही' वस्तू, वाचून हसू आवरणार नाही!

कधी कधी नात्याचा शेवट असाही होतो की, हसू आवरत नाही. अशीच एक घटना एका महिलेसोबत घडली.

गर्लफ्रेंड बॉयफ्रेंडमध्ये भांडणं होणं ही काही नवी बाब नाही. कोणत्या ना कोणत्या कारणांनी भांडणं होत असतात. एकाच घरात सोबत राहणाऱ्या कपल्समध्ये तर रोज भांडणं होत असतात. कधी कधी भांडण इतकं टोकाचं होतं की, दुसरा पार्टनर आपलं सामान घेऊन घरातून निघून जातो. पण कधी कधी नात्याचा शेवट असाही होतो की, हसू आवरत नाही. अशीच एक घटना एका महिलेसोबत घडली.

महिलने रेडिट पोस्टमध्ये सांगितलं की, तिने तिच्या बॉयफ्रेंडसोबत ब्रेकअप केलं कारण तो त्याच्या वाट्याची बिलं भरत नव्हता. ना कधी एखाद्या हॉटेलमध्ये कुणाला टिप देत होता. अशात एक दिवस मोठ्या भांडणानंतर त्यांचं ब्रेकअप झालं. रागाच्या भरात ती बेडरूममध्ये जाऊन झोपली. दुसरीकडे बॉयफ्रेंड आपल्या वस्तू घेऊन जाऊ लागला. 

महिलेने सांगितलं की, जेव्हा ती झोपेतून उठली तर हैराण झाली. कारण तिच्या बॉयफ्रेंडने घरातील टॉयलेट पॉटच काढून नेला. महिलेने सांगितलं की, तिचा बॉयफ्रेंड लायसन्स प्लंबर आहे. त्यामुळे त्याला माहीत आहे हे कसं करतात. मी खोटं सांगणार नाही मी याचा विचार करून हसत आहे की, ब्रेकअप फार इंटरेस्टींग होऊ शकतं.

ब्रेकअपच्या कारणांबाबत अधिक सांगताना ती म्हणाली की, 'त्याच्याबाबत काही समजत नव्हतं. तो हॉटेलमध्ये वेटरला टिप देण्यास नकार देत होता'. जपानमध्ये माझ्यासोबत राहत असताना कधीच त्याने विजेचं बिल भरलं नाही.

घरात शौचालयाशिवाय राहणं अवघड आहे. आता टॉयलेट पॉट गायब झाल्यावर त्याला प्रत्येकवेळी टॉयलेटसाठी जवळच्या दुकानात जावं लागत होतं. पण आता तिने नवीन पॉट बसवला आहे.

महिलेच्या पोस्टवर लोकांनी खूप कमेंट्स केल्या आहेत. एका यूजरने लिहिलं की, मला ब्रेकअपपेक्षा जास्त दु:खं टॉयलेट पॉट नेल्याचं होत आहे. तर दुसरा म्हणाला की, फारच मजेदार ब्रेकअप आहे.