IPL 2024, Sunrisers Hyderabad vs Rajasthan Royals Live Marathi - भुवनेश्वर कुमारने त्याच्या पहिल्या ५ चेंडूंतच सामन्याचा निकाल निश्चित केला. २०२ धावांच्या लक्ष्याचा पाठलाग करायला उतरलेल्या राजस्थान रॉयल्सला पहिल्या षटकात दोन मोठे धक्के बसले. सनरायझर्स हैदराबादच्याभुवनेश्वर कुमारने जॉस बटलरची विकेट मिळवली आणि त्यानंतर पाचव्या चेंडूवर अप्रतिम इनस्विंगरवर संजू सॅमसनचा त्रिफळा उडवला. RR चे दोन्ही फलंदाज भोपळ्यावर माघारी परतले.
ट्रॅव्हिस हेडची बॅट हवेत असूनही अम्पायरने नाबाद दिले, कुमार संगकारा भडकला; पुढच्याच चेंडूवर...
SRH ची सुरुवात संथ राहिली आणि त्यांना पॉवर प्लेमध्ये २ बाद ३७ धावा करता आल्या, ज्या यंदाच्या पर्वातील पहिल्या सहा षटकातील त्यांच्या सर्वात कमी धावा ठरल्या. RR चा ट्रेंट बोल्ट व आऱ अश्विन यांनी पॉवर प्लेमध्ये चांगला मारा केल्या आणि त्यामुळे आवेश खान व संदीप शर्मा यांना विकेट मिळाली. अभिषेक शर्मा ( १२) झेलबाद झाला व अनमोलप्रीत सिंग ( ५) अपयशी ठरला. नितीश कुमार रेड्डीने सामन्याचे चित्र बदलले आणि हेडसह ५७ चेंडूंत ९६ धावा जोडल्या. हेडने ४४ चेंडूंत ६ चौकार व ३ षटकारांसह ५७ धावा केल्या. नितीश ४२ चेंडूंत ३ चौकार व ८ षटकांसह ७६ धावांवर नाबाद राहिला. क्लासेनने १९ चेंडूंत ३ चौकार व ३ षटकारांच्या मदतीने ४२ धावा केल्या आणि हैदराबादने ३ बाद २०१ धावा उभ्या केल्या. नितीश व क्लासेन यांनी ३३ चेंडूंत ७० धावांची भागीदारी केली.
भुवनेश्वर कुमारने पुन्हा एकदा पहिल्या षटकात विकेट मिळवताना जॉस बटलरला ( ०) सातव्यांदा माघारी पाठवले. पाचव्या चेंडूवर अप्रतिम इनस्विंग करून भुवीने RR कॅप्टन संजू सॅमसनचे ( ०) तिन्ही त्रिफळे उडवले. आयपीएलच्या पहिल्या षटकात सर्वाधिक २७ विकेट्स घेण्याच्या ट्रेंट बोल्टच्या विक्रमाशी भुवीने बरोबरी केली.
Web Title: IPL 2024, Sunrisers Hyderabad vs Rajasthan Royals Live Marathi -WHAT A BALL BY Bhuvneshwar Kumar, Vintage Bhuvi in the opening over, A duck for Jose Buttler and a duck for Sanju Samson, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
